ສົ່ງກຳລັງໃຈໃຫ້ນ້ອງຄົນນີ້ ແລະຊ່ວຍນ້ອງໃຫ້ໄປເຖິງຝັນ

ສົ່ງກຳລັງໃຈໃຫ້ນ້ອງຄົນນີ້ ແລະຊ່ວຍນ້ອງໃຫ້ໄປເຖິງຝັນ

18th August 2021 0 By Education

ມີຄົນລາວໃນໂລກໂຊຊຽວຈຳນວນບໍ່ໜ້ອຍທີ່ໄດ້ຮູ້ເລື່ອງລາວຂອງນ້ອງຄົນໜຶ່ງຢູ່ເມືອງດາກຈຶງ ແຂວງເຊກອງ ທີ່ລາວມີບັນຫາເລື່ອງຂາ ເຊິ່ງປີນີ້ໄດ້ຮຽນຈົບມັດທະຍົມແລ້ວຢາກຮຽນຕໍ່ແຕ່ກໍ່ສິ້ນຫວັງເພາະບໍ່ມີກຳລັງພໍທີ່ຈະສູ້ຕໍ່ ແລະແອັດເອງເຊື່ອວ່າພະລັງໂຊຊຽວຈະຊ່ວຍໃຫ້ລາວໄດ້ກ້າວໄປເຖິງຝັນຢ່າງແນ່ນອນ.

ເລື່ອງລາວຊານນ້ຳຕາໄຫຼດັ່ງກ່າວແມ່ນເກີດກັບນ້ອງສາວຄົນໜຶ່ງທາງເມືອງດາກຈຶງ ແຂວງເຊກອງ ນ້ອງພິການຂາ ແຕ່ໃຈສູ້ ຢາກຮຽນຕໍ່ ຫລັງ ຈົບ ມ7 ແຕ່ຂາດໂອກາດ ນີ້ຄືຂໍ້ຄວາມຂອງນ້ອງ ເວົ້າວ່າ: ຫຼັງຮຽນຈົບແລ້ວໃນໃຈກໍຄິດຢູ່ວ່າມີຊີວິດຢູ່ທຸກວັນນີ້ຢູ່ເພື່ອຫຍັງ? ທັງທີ່ຕົວເອງເຮັດວຽກໜັກບໍໄດ້ຄືຄົນປົກກະຕິຫາເງິນກະບໍເປັນໄປຮັບຈ້າງກະບໍ່ມີໃຜຮັບ ຍ້ອນພິການ.

ຈາກນີ້ອະນາຄົດທີ່ເຄີຍຕັ້ງໄວ້ຄົງຕ້ອງຈົບລົງ ເທື່ອລະໜ້ອຍໃນໃຈກໍຢາກໄປຮຽນຕໍມີອາຊີບທີ່ດີຍ້ອນຄອບຄົວທຸກຍາກ  ຕົນບໍ່ໄດ້ໂທດພໍ່ແມ່ແຕ່ໂທດຕົວເອງທີ່ເປັນພາລະໃຫ້ເພິ່ນທີ່ລ້ຽງດູແຕ່ນ້ອຍຈົນໃຫຍ່ ທັງທີ່ເປັນລູກກົກແຕ່ເປັນເສົາຫຼັກຂອງຄອບຄົວບໍ່ໄດ້ ວັນໆມີແຕ່ຫາເຊົ້າກິນຄຳ ລູກຂໍໂທດ…ທີ່ບໍ່ຄືລູກຄົນອື່ນ.


ທີມຂ່າວ ສຶກສາໄອທີຂໍເປັນໜຶ່ງກຳລັງໃຈໃຫ້ນ້ອງ ແລະຢາກບອກວ່າໂອກາດໃນການເຮັດວຽກ, ການຫາເງິນບໍ່ຈຳເປັນ ຕ້ອງມີຄົບທຸກຢ່າງຂໍພຽງໃຈສູ້ ບາງຄັ້ງນັ່ງຢູ່ບ່ອນເກົ່າທຸກວັນກໍ່ເປັນໂອກາດຫາເງິນໄດ້ເຊັ່ນດຽວກັນ ຍຸກນີ້ຍຸກຂອງໂຊຊຽວ ທຸກຢ່າງສາມາດເຮັດຜ່ານປາຍນີ້ວ ຂໍໃຫ້ນ້ອງສູ້ຕໍ່ ຫວັງວ່າໂອກາດຂ້າງເຮົາຈະໄດ້ຊ່ວຍກັນ.