ເປັນ​ຫ່ວງ​ເດ! ພົບ​ຜູ້​ຕິດ​ເທື້ອ​ໂຄວີດ19 ໃນ​ຊຸມ​ຊົນ 65 ຄົນ ໃນ 152 ຄົນ ທັງ​ໝົດ​ມື້​ນີ້

ເປັນ​ຫ່ວງ​ເດ! ພົບ​ຜູ້​ຕິດ​ເທື້ອ​ໂຄວີດ19 ໃນ​ຊຸມ​ຊົນ 65 ຄົນ ໃນ 152 ຄົນ ທັງ​ໝົດ​ມື້​ນີ້

23rd August 2021 0 By Entertain

ຍັງຄົງຕ້ອງໃຊ້ຊີວິດແບບລະມັດລະວົງກັນຢູ່ ສໍາລັບສະຖານະການປັດຈຸບັນ ໂຄວິດ19 ຍັງເປັນພະຍາດທີ່ຮ້າຍແຮງ ແລະ ສ່ຽງໃນການຕິດຕໍ່ກັນຫຼາຍ ໂດຍສະເພາະລາວເຮົາເອງ ທີ່ຍັງບໍ່ມີແນວໂນ້ມວ່າຈະຫຼຸດລົງ ອີງຕາມການຖະແຫຼງຂ່າວ ຂອງຄະນະສະເພາະກິດ ປະຈຳວັນຈັນ ວັນທີ 23 ສິງຫາ ປີ 2021 ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຈະຖະແຫຼງຂ່າວ ກ່ຽວກັບ ສະພາບໂຄວິດ-19 ຢູ່ໃນ ສປປ ລາວວ່າ

ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 22 ສິງຫາ 2021:
ໄດ້ກວດວິເຄາະທັງໝົດ 2,427 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 152 ຄົນ ເຊິ່ງຕິດເຊື້ອໃນຊຸມຊົນເຖິງ 65 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື:
ສະຫວັນນະເຂດ 43 ຄົນ
ບໍ່ແກ້ວ 18 ຄົນ

ນະຄອນຫຼວງ 3 ຄົນ
ຫຼວງນ້ຳທາ 1 ຄົນ
ສ່ວນ ກໍລະນີນໍາເຂົ້າ ມີ 87 ຄົນ ຈາກ ສະຫວັນນະເຂດ 21 ຄົນ, ຈຳປາສັກ 22 ຄົນ, ນະຄອນຫຼວງ 15 ຄົນ, ຄຳມ່ວນ 25 ຄົນ, ສາລະວັນ 2 ຄົນ, ບໍລິຄຳໄຊ 1 ຄົນ ແລະ ໄຊຍະບູລີ 1 ຄົນ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.

ສຳລັບ ແຂວງສະຫວັນນະເຂດ ທີ່ຕິດເຊື້ອໃນຊຸມຊົນ 43 ຄົນ, ໃນນັ້ນ ຢູ່ສະຖານທີ່ຄຸມຂັງ 34 ຄົນ, ພະນັກງານພະແນກໂຍທາທິການ ແລະ ຂົນສົ່ງ 1 ຄົນ, ຜູ້ສໍາຜັດໃກ້ຊິດກັບຜູ້ທີ່ຕິດເຊື້ອທີ່ຜ່ານມາ 3 ຄົນ (ເຊິ່ງທັງ 3 ແມ່ນຖືກຈຳກັດບໍລິເວນຢູ່ສູນແລ້ວ), ພະນັກງານແພດປະຈຳສູນຈຳກັດບໍລິເວນ 1 ຄົນ, ສ່ວນເຫຼືອນັ້ນ ແມ່ນທີມງານກຳລັງລົງເກັບກຳຂໍ້ມູນລາຍລະອຽດ ຈະແຈ້ງໃຫ້ບັນດາທ່ານຊາບຕື່ມໃນພາຍຫຼັງ.
ສຳລັບ ແຂວງ ບໍ່ແກ້ວຕິດເຊື້ອໃນຊຸມຊົນ 18 ຄົນ ແມ່ນມາຈາກບ້ານໃຫຍ່ສີເມືອງງາມ ທັງໝົດ.

ສ່ວນ ແຂວງຫຼວງນ້ຳທາ 1 ຄົນ ເປັນຄົນຈີນ ທີ່ມີປະຫວັດເດີນທາງຈາກ ພະນົມເປັນ, ປະເທດກຳປູເຈຍ ໂດຍຍົນເໝົາລຳ ມານະຄອນຫຼວງວຽງຈັນ (ລະຫວ່າງທາງບໍ່ໄດ້ພັກ), ຫຼັງຈາກນັ້ນ ຕໍ່ລົດໂດຍສານໄປດ່ານບໍ່ເຕັນ, ແຂວງຫຼວງນ້ຳທາ.
ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້ຂອງແຂວງ.
ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 12,621

ຄົນ, ຄົນເຈັບເສຍຊີວິດສະສົມ 11 ຄົນ (ໃໝ່ 0 ຄົນ) ແລະ ກໍາລັງປິ່ນປົວ ທັງໝົດ 4,305 ຄົນ.