ລັດຖະມົນຕີກະຊວງສຶກສາທິການ ແລະ ກີລາ ອອກມາຢຶນຢັນວ່າຈະເລື່ອນການຈັດຊຽງຂວາງເກມອອກໄປ

ລັດຖະມົນຕີກະຊວງສຶກສາທິການ ແລະ ກີລາ ອອກມາຢຶນຢັນວ່າຈະເລື່ອນການຈັດຊຽງຂວາງເກມອອກໄປ

29th February 2020 1 By Admin

ອີງຕາມການລາຍງານຂອງໜັງສືພິມ ເສດຖະກິດ ການຄ້າອອນລາຍໃຫ້ຮູ້ວ່າ: ພາຍຫຼັງທີ່ກະຊວງສາທາລະນະສຸກ ໄດ້ລາຍງານການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່(ໂຄວິດ-19) ຕໍ່ກົມການເມືອງສູນກາງພັກ ເມື່ອວັນທີ 27 ກຸມພາ 2020 ຜ່ານມາ ເຊິ່ງມີຂໍ້ສະເໜີ ພິຈາລະນາໃນການເລື່ອນການຈັດງານກິລາແຫ່ງຊາດຄັ້ງທີ11 ຫລື ຊຽງຂວາງເກມອອກໄປກ່ອນ ຈົນກວ່າສະພາບການລະບາດຈະສາມາດຄວບຄຸມໄດ້ເປັນປົກກະຕິ.

ຈາກນັ້ນກໍມີຫາງສຽງຕ່າງໆນາໆວ່າຕົກລົງແລ້ວ ຊຽງຂວາງເກມຍັງຈະຈັດຂຶ້ນຕາມແຜນບໍ ຫລື ຈະເລື່ອນ. ຫຼ້າສຸດໃນຕອນເຊົ້າວັນທີ 29 ກຸມພາ 2020 ທ່ານນາງແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກີລາ ໄດ້ໃຫ້ສຳພາດຕໍ່ສື່ມວນຊົນໃນໂອກາດເຂົ້າຮ່ວມກອງປະຊຸມສະໄໝວິສາມັນຂອງສະຫະພັນບານເຕະແຫ່ງຊາດລາວວ່າ: “ຄະນະຮັບຜິດຊອບຈັດງານ ໄດ້ຄົ້ນຄວ້າກັນແລ້ວ ເຫັນວ່າສະພາບການລະບາດຂອງພະຍາດ ໂຄວິດ -19 ຍັງມີຄວາມຮຸນແຮງ ແລະ ຄວາມສ່ຽງຫຼາຍ ຕາມການແນະນຳຂອງ ກະຊວງສາທາລະນະສຸກ ກໍຄືຄະນະຮັບຜິດຊອບສະເພາະກິດ ກ່ຽວກັບການແກ້ໄຂພະຍາດໂຄວິດ -19 ທີ່ເຫັນວ່າ ທົ່ວໂລກກຳລັງປະສົບວິກິດດັ່ງກ່າວຢ່າງໜັກ”.

ຂໍຢຶນຢັນວ່າການແຂ່ງຂັນກິລາແຫ່ງຊາດຊຽງຂວາງເກມແມ່ນຈະໄດ້ເລື່ອນອອກໄປ, ສຳລັບແຈ້ງການຢ່າງເປັນທາງການຈະອອກມາໃນໄວໆນີ້, ທ່ານ ລັດຖະມົນຕີກະຊວງສຶກສາທິການແລະກີລາ ກ່າວ.

ແນວໃດກໍຕາມ, ທ່ານລັດຖະມົນຕີ ກໍໄດ້ສະແດງຄວາມເຫັນໃຈຕໍ່ຄະນະກະກຽມຈັດງານກິລາແຫ່ງຊາດ ລວມທັງຄະນະຮັບຜິດຊອບທີມ ແລະ ນັກກິລາ ແຕ່ລະພາກສ່ວນ ທີ່ກຳລັງຫ້າງຫາກະກຽມເພື່ອເຂົ້າຮ່ວມ ແລະ ລວມໄປທັງນັກທຸລະກິດ ບໍລິສັດຫ້າງຮ້ານຕ່າງໆທີ່ໄດ້ທຸ້ມເທ ແລະ ປະກອບສ່ວນທຶນຮອນ ງົບປະມານເຂົ້າໃສ່ເປັນຈຳນວນຫຼວງຫຼາຍ ເຊິ່ງພວກເຮົາຈະໄດ້ຈັດກອງປະຊຸມ ເພື່ອຄົ້ນຄວ້າຫາທາງອອກນຳກັນ.

ບົດລາຍງານຫຼ້າສຸດ ກ່ຽວກັບພະຍາດໂຄວິດ-19

.

.

.

ຂະນະທີ່ເວັບໄຊ ສະປອດອັບເດດ (Sports update / ອັບເດດກິລາລາວ-ສາກົນ )ໄດ້ອອກວິດີໂອກາດໃຫ້ສຳພາດແກ່ສື່ມວນຊົນຂອງລັດຖະມົນຕີກະຊວງສຶກສາທິການ ແລະ ກີລາ

ທ່ານລັດຖະມົນຕີກະຊວງສຶກສາທິການ ແລະ ກິລາ ແຈ້ງກໍລະນີ ກະຊວງສາທາລະນະສຸກ ສະເໜີໃຫ້ພິຈາລະນາເລື່ອນ ຫຼື ໂຈະຊົ່ວຄາວການຈັດຄອນເສີດ ແລະ ການຊຸມນຸມຕ່າງໆ ໂດຍເພາະປະເດັນ ຊຽງຂວາງເກມ ເນື່ອງຈາກການລະບາດຂອງພະຍາດ COVID-19 ຮ້າຍແຮງຂໍ້ມູນເພີ່ມຕື່ມ: https://sportsupdate.org/2020/3400

Posted by Sports update / ອັບເດດກິລາລາວ-ສາກົນ on Friday, 28 February 2020