ອ້າວ! ຕາມນີ້ຜ້າອັດປາກໃສ່ຫຼາຍຍິ່ງສ່ຽງຫຼາຍ ນັກວິທະຍາສາດຢັ້ງຢືນ

ອ້າວ! ຕາມນີ້ຜ້າອັດປາກໃສ່ຫຼາຍຍິ່ງສ່ຽງຫຼາຍ ນັກວິທະຍາສາດຢັ້ງຢືນ

1st March 2020 0 By Education

ນັບແຕ່ມີການລະບາດຂອງໄວຣັສສາຍພັນໃໝ່ ຄົນທັງຫຼາຍກໍ່ເຫີ່ແຫນກັນມາໃສ່ຜ້າອັດປາກອັດດັງ ຈົນຜ້າອັດປາກກາຍເປັນຂຸມຊັບເງິນລ້ານຂອງພວກພໍ່ຄ້າຊາວຂາຍທີ່ສວຍໂອກາດທັງຫຼາຍ ແຕ່ອາດມີໃຜຮູ້ວ່າການໃສ່ຜ້າອັດປາກຫຼາຍເທົ່າໃດຍິ່ງສ່ຽງຕໍ່ການຕິດຫຼາຍເທົ່ານັ້ນ ອັນນີ້ບໍ່ແມ່ນແອັດເວົ້າເດີ້ ນັກວິທະຍາສາດຢັ້ງຢືນມາ.


ເຊິ່ງນັກວິທະຍາສາດເຕືອນວ່າ ຖ້າບໍ່ປ່ວຍບໍ່ຄວນໃສ່ຜ້າອັດປາກ ເພາະຍິ່ງໃສ່ຍິ່ງສ່ຽງຕໍ່ການຕິດໂຄວິດ ທາງທີ່ດີໝັ່ນລ້າງມືກໍ່ພຽງພໍແລ້ວ.


ບົດຄວາມກ່ຽວກັບສວມໜ້າກາດອະນາໄມ ຫຼື ຜ້າອັດປາກຖືກຕີແຜ່ຜ່ານເວັບໄຊໂຟບັອສ ຂອງສະຫະລັດ ໂດຍອ້າງອີງຂໍ້ມູນຈາກທ່ານ ສາສະດາຈານດ້ານການແພດ ແລະລະບົບວິທະຍາສາດ ຈາກມະຫາວິທະຍາໄລໄອໂອວາ ໃນສະຫະລັດລະບຸວ່າ: ປະຊາຊົນທີ່ສຸຂະພາບດີບໍ່ໄດ້ປ່ວຍບໍ່ຄວນໃສ່ຜ້າອັດປາກ ສິ່ງທີ່ຕ້ອງເຮັດທີ່ສຸດຄືສວມໃສ່ໜ້າກາກເວລາບໍ່ສະບາຍເທົ່ານັ້ນ ເນື່ອງຈາກຜ້າອັດປາກຖືກອອກແບບມາ ເພື່ອປ້ອງກັນລະອອງນ້ຳລາຍທີ່ມາພ້ອມກັບໄວຣັສເທົ່ານັ້ນ ແຕ່ບໍ່ໄດ້ປ້ອງກັນລະອອງນ້ຳລາຍເຂົ້າສູ່ຕົວຜູ້ສວມໃສ່.

ເພີ່ນໃຫ້ເຫດຜົນວ່າ ການທີ່ໃສ່ຜ້າອັດປາກນັ້ນຍິ່ງເພີ່ມຄວາມສ່ຽງຫຼາຍຂຶ້ນຫາກບໍ່ລ້າງມືກ່ອນໃສ່ ຫຼື ສວມໃສ່ໜ້າກາກແລ້ວຄ່ອຍລ້າງມື ອີກຢ່າງການສວມໃສ່ຫຼາຍຄັ້ງເທົ່າໃດກໍ່ໝາpເຖິງເຈົ້າຕົວໄດ້ສຳຜັດໃບໜ້າໄປຫຼາຍເທື່ອເທົ່ານັ້ນ ນີ້ຄືສາເຫດຫຼັກທີ່ຈະເຮັດໃຫ້ເກີດຄວາມສ່ຽງສູງຂຶ້ນ ເພາະໄວຣັສຕິດໄດ້ຈາກທາດແຫຼວໃນຮ່າງກາຍ ແລະນຳໄປສຳຜັດກັບອະໄວຍະວະຂອງຄົນ.

ສຳລັບຜ້າອັດປາກທີ່ສາມາດປ້ອງກັນໄວຣັສໄດ້ແທ້ນັ້ນກໍ່ຄື ຍີ່ຫໍ້ທີ່ respirator ເປັນຜ້າອັດປາກທາງການແພດທີ່ມີຄຸນນtພາບN95 ຫຼື FFT2 ແຕ່ຕ້ອງສວມໃສ່ຢ່າງຖືກວິທີ ແລະໃຊ້ສຳລັບເຈົ້າໜ້າທີ່ທາງການແພດທີ່ເຮັດວຽກໃກ້ສິດກັບຜູ້ປ່ວຍທີ່ເປັນໂລກຕິດຕໍ່ຮ້າຍແຮງເທົ່ານັ້ນ.

 

ທ່ານ ຄາເຣນ ເຟມມິ່ງ ສາສະດາຈານດ້ານຟີຊິກສາດຈາກມະຫາວິທະຍາໄລ ຈອນອໍພັອສສະກິນ ລະບຸວ່າ: ວິທີການປ້ອງກັນພະຍາດທີ່ດີທີ່ສຸດຄືການຢ່າໃຊ້ມືສຳຜັດໃບໜ້າ ໂດຍສະເພາະສ່ວນປາກ ແລະດັງດຸເກີນໄປ ແລະໃຫ້ໝັ່ນລ້າງມືໃສ່ສະບູ ຫຼື ຈະລ້າງດ້ວຍນ້ຳສະສະອາດໃຫ້ຖີ່ຂຶ້ນທັງກ່ອນ ແລະຫຼັງອາຫານ ຈະເປັນການຂ້າເຊື້ອໄວຣັສໄດ້ດີກວ່າ ເນື່ອງຈາກໂຄວິດເປັນໄວຣັສທີ່ມີເປືອກເປັນສານອີນຊີປະເພດໄຂມັນ ທີ່ສາມາດຖືກຂ້າໄດ້ງ່າຍດາຍດ້ວຍນ້ຳສະບູ່ .